ସବ୍ୟସାଚୀଙ୍କ ଆଦିମ ବିଚାର

ସବ୍ୟସାଚୀ ମହାପାତ୍ର । ସୁପ୍ରସିଦ୍ଧ ଚଳଚ୍ଚିତ୍ର ନିର୍ଦ୍ଦେଶକ । ଡ୍ରାମା ନିର୍ଦ୍ଦେଶକରୁ ଚଳଚ୍ଚିତ୍ର ନିର୍ଦ୍ଦେଶକ । ସୁବର୍ଣ୍ଣପୁର ଜିଲ୍ଲାର ଛୋଟ ଏକ ଗାଁ ଲେହେଡିରୁ ସ୍ୱପ୍ନନଗରୀ ମୁମ୍ବାଇ ଯାତ୍ରା । ଦୀର୍ଘ ଦିନର କ୍ୟାରିଅର । ଅଭିଜ୍ଞତା, ଗଭୀର ନିଷ୍ଠା ଓ କଠିନ ପରିଶ୍ରମ ତାଙ୍କୁ ଆଜି ଜଣେ ସଫଳ ନିର୍ଦ୍ଦେଶକ ଭାବେ ପରିଚିତି ଦେଇଛି । ସବ୍ୟସାଚୀଙ୍କ ନିର୍ଦ୍ଦେଶନାରେ ରହିଛି ଯାଦୁକରୀ ସ୍ପର୍ଶ । ସାଧାରଣ କଥାକୁ ମଧ୍ୟ ସେ ଅସାଧାରଣ ଭାବେ ପ୍ରଦର୍ଶିତ କରିଥାଆନ୍ତି ନିଜ ଚଳଚ୍ଚିତ୍ରରେ । ତାଙ୍କ ନିର୍ଦ୍ଦେଶନାରେ ବୁଢ଼ା ବି ହୋଇଉଠେ ଯୁବକ । ୮୨ ବର୍ଷର କଳାକାର ମଧ୍ୟ ହୋଇପାରେ ସବ୍ୟସାଚୀଙ୍କ ନିର୍ଦ୍ଦେଶିତ ଚଳଚ୍ଚିତ୍ରର ମୁଖ୍ୟ ନାୟକ । ଅଭିନେତା ଅଭିନେତ୍ରୀଙ୍କୁ ଚରିତ୍ର ଭିତରେ ନିମଜ୍ଜିତ କରିବା ପରେ ସେ ଆରମ୍ଭ କରନ୍ତି ସୁଟିଂ । କଳାକାର ଭିତରେ ସେ ଭରି ଦେଇପାରନ୍ତି ବିପୁଳ ଆବେଗ, ଶ୍ରଦ୍ଧା । ସେଇ ଶ୍ରଦ୍ଧା ଓ ବିନୀତ ଭାବରୁ ଅଭିନେତାଅଭିନେତ୍ରୀ ଚମକ୍ରାର ଅଭିନୟ କରନ୍ତି ସବ୍ୟସାଚୀଙ୍କ ନିର୍ଦ୍ଦେଶନାରେ । ନିଖୁଣ ନିର୍ଦ୍ଦେଶନା, ଚରିତ୍ରପୋଯୋଗୀ କଳାକାର ଚୟନ, କଠିନ ପରିଶ୍ରମ ତାଙ୍କ ଚଳଚ୍ଚିତ୍ରଗୁଡ଼ିକୁ ସଫଳତାର ଶିଖରକୁ ନେଇ ଯାଇଥାଏ । ନିର୍ଦ୍ଦେଶକ ସବ୍ୟସାଚୀ ମହାପାତ୍ରଙ୍କ ନିର୍ଦ୍ଦେଶିକ ଓଡ଼ିଆ, ସମ୍ବଲପୁରୀ/କୋଶଲୀ ଭାଷାର ଚଳଚ୍ଚିତ୍ରଗୁଡ଼ିକ ଦର୍ଶକଙ୍କ ହୃଦୟସ୍ପର୍ଶୀ ହୋଇପାରିଛି । ତାଙ୍କ ନିର୍ଦ୍ଦେଶିତ ଚଳଚ୍ଚିତ୍ରଗୁଡ଼ିକ ବିିଭିନ୍ନ ବିଭାଗରେ ରାଜ୍ୟ, ଜାତୀୟ ଓ ଅନ୍ତର୍ଜାତୀୟସ୍ତରର ଅନେକ ପୁରସ୍କାର ଲାଭ କରିଛି । ଚଳଚ୍ଚିତ୍ର ଜଗତକୁ ଉଲ୍ଲେଖନୀୟ ଅବଦାନ ପାଇଁ ସେ ବହୁ ଅନୁଷ୍ଠାନରୁ ପୁରସ୍କୃତ ଓ ସମ୍ମାନିତ ହୋଇଛନ୍ତି । ବିଶିଷ୍ଟ ଚଳଚ୍ଚିତ୍ର ନିର୍ଦ୍ଦେଶକ ସବ୍ୟସାଚୀ ମହାପାତ୍ରଙ୍କ ଜୀବନ ଓ ଚଳଚ୍ଚିତ୍ର କ୍ୟାରିଅର ସଂପର୍କରେ ଜାଣିବା ପାଇଁ ଭେଟିଥିଲୁ ତାଙ୍କ ଭୁବନେଶ୍ୱରସ୍ଥିତ ବାସଭବନରେ । ନିର୍ଦ୍ଦେଶକ ସବ୍ୟସାଚୀ ମହାପାତ୍ରଙ୍କ ସହିତ ହୋଇଥିବା କିଛି ଅନ୍ତରଙ୍ଗ ବାର୍ତ୍ତାଳାପର କିୟଦଂଶ ପ୍ରକାଶ କରୁଛୁ ‘ନବନୀତା’ର ପାଠକପାଠିକାଙ୍କ ପାଇଁ ।

   “ନିଷ୍ଠା ଓ ଆନ୍ତରିକତା ସହ କାମ କଲେ ସଫଳତା ନିଶ୍ଚୟ ମିଳିବ”…ଡ.ସବ୍ୟସାଚୀ ମହାପାତ୍ର

ସଂକ୍ଷେପରେ ସବ୍ୟସାଚୀ
ଜନ୍ମ: ୦୧ ଡିସେମ୍ବର ୧୯୫୧
ଗାଁ: ଲେହେଡ଼ି, ସୁବର୍ଣ୍ଣପୁର
ବାପା: କପିଳେଶ୍ୱର ପ୍ରସାଦ ମହାପାତ୍ର
ଶିକ୍ଷା:ବିଏ,ଆଇନରେ ସ୍ନାତକ
ବୃତ୍ତି: ଚଳଚ୍ଚିତ୍ର ନିର୍ଦ୍ଦେଶକ
ଠିକଣା:ଲେହେଡ଼ି, ସୁବର୍ଣ୍ଣପୁର
ମୋ: ୯୪୩୯୫୮୦୫୬୮
……………………………………..
ନିର୍ଦ୍ଦେଶିତ ସିନେମା: ସବୁ ମାୟାରେ ବାୟା(ଓଡ଼ିଆ) ଭୂଖା(ସମ୍ବଲପୁରୀ), ସୁକି(ହିନ୍ଦୀ ଟେଲିଫିଲ୍ମ), ଝିଲି (ଓଡିଆ ଫିଚରଫିଲ୍ମ), ପବ୍ଲି (ହିନ୍ଦୀ ଟେଲିଫିଲ୍ମ), ଇଣ୍ଡିଆ ଟ୍ୱିଟେଣ୍ଡି ଫୋର୍ ଆୱାରସ(ଇଂରାଜୀ ଡକୋମେଣ୍ଟାରି) ଭାରତ ଏକ୍ ଦିନ(ହିନ୍ଦୀ ଡକୋମେଣ୍ଟାରି), ମହାରାଜା ଆର୍.ଏନ୍ ସିଂହଦେଓ (ଇଂରାଜୀ ଡକୋମେଣ୍ଟାରି), ଘର(ଓଡ଼ିଆ ଟେଲି ସିରିଏଲ), ଜଂଗଲର ସାଥୀ(ଓଡ଼ିଆ ଟେଲି ସିରିଏଲ),ବାଙ୍କୁଳି ବାଡ଼ି (ଓଡ଼ିଆ), ବୋଉ (ଓଡ଼ିଆ ଫିଚରଫିଲ୍ମ), ବାହୁଡ଼ିମୋ ଜଗାବଳିଆ(ଓଡ଼ିଆ ଫିଚରଫିଲ୍ମ),ରାଣ୍ଡି ପୁଅ ଅନନ୍ତା, ଜୟ ଜଗନ୍ନାଥ (୧୫ଟି ଭାଷାରେ ରିଲିଜ), ଶଲାବୁଢ଼ା (ସମ୍ବଲପୁରୀ/କୋଶଲି), ଆଦିମ ବିଚାର (ସମ୍ବଲପୁରୀ/କୋଶଲି) ଏବଂ ପାହାଡ଼ର ଲୁହ ( ଓଡ଼ିଆ)
……………………………………..
ସମ୍ମାନ/ପୁରସ୍କାର: ସ୍ପେଶାଲ ଜୁରି ଆୱାର୍ଡ(ଭୂଖା), ନୀଳ ଶୈଳ ଆୱାର୍ଡ(ଭୂଖା), ଶ୍ରେଷ୍ଠ ସିନେମା ଓ ନିର୍ଦ୍ଦେଶନା (ବୋଉ),ଶ୍ରେଷ୍ଠ ସିନେମା-ଶ୍ରେଷ୍ଠ ନିର୍ଦ୍ଦେଶନା ପାଇଁ ରାଜ୍ୟ ଚଳଚ୍ଚିତ୍ର ଆୱାର୍ଡ (ବୋଉ), ଶ୍ରେଷ୍ଠ ସିନେମା ଓ ନିର୍ଦ୍ଦେଶକ(ବାହୁଡ଼ି ମୋ ଜଗାବଳିଆ), ରାଜୀବ ଗାନ୍ଧୀ ସଦଭାବନା ପୁରସ୍କାର, ଶଲାବୁଢ଼ା (୭ଟି ରାଜ୍ୟ ଓ ଦେଶ ବିଦେଶରେ ପୁରସ୍କୃତ), ଆଦିମ ବିଚାର (ଶ୍ରେଷ୍ଠ ଫିଲ୍ମ ପାଇଁ ଜାତୀୟ ସ୍ତରରେ ପୁରସ୍କୃତ), ଓଡ଼ିଶା ଚଳଚ୍ଚିତ୍ର ଆୱାର୍ଡ (ଶ୍ରେଷ୍ଠ ସିନେମା, ଆଦିମ ବିଚାର, ଶ୍ରେଷ୍ଠ ନିର୍ଦ୍ଦେଶକ-ସବ୍ୟସାଚୀ ମହାପାତ୍ର, ଶ୍ରେଷ୍ଠ ଅଭିନେତା-ଅଟଳ ବିହାରୀ ପଣ୍ଡା), ରାଜ୍ୟ ଚଳଚ୍ଚିତ୍ର ଆୱାର୍ଡ, ଶ୍ରେଷ୍ଠ ନିର୍ଦ୍ଦେଶକ (ପାହାଡ଼ର ଲୁହ) ଜାତୀୟ ଅନ୍ତର୍ଜାତୀୟ ସ୍ତରରେ ପୁରସ୍କୃତ, ଓଡିଆ ସିଟିଜେନ ଆୱାର୍ଡ ଏବଂ ସମ୍ବଲପୁର ବିଶ୍ୱବିଦ୍ୟାଳୟ ପକ୍ଷରୁ ମର୍ଯ୍ୟାଦାଜନକ ଡିଲଟ୍ ଉପାଧି ।