ନବନୀତା ବ୍ୟୁରୋ। ଆରପାରିରେ ସୁବାସ। ପଶ୍ଚିମ ଓଡ଼ିଶା ବିକାଶ ପରିଷଦ ଅଧ୍ୟକ୍ଷ ତଥା ବରିଷ୍ଠ ବିଜେଡ଼ି ନେତା ସୁବାସ ଚୌହାନ ଆଜି ଆମ ଗହଣରେ ଆଉ ନାହାନ୍ତି। ମୃତ୍ୟୁ ବେଳକୁ ତାଂକୁ ୫୪ ବର୍ଷ ହେଉଥିଲା। ଭୁବନେଶ୍ୱରର ଏକ ଘରୋଇ ହସ୍ପିଟାଲରେ ତାଙ୍କର ଦେହାନ୍ତ ହୋଇଛି। ତାଙ୍କର ଅମର ଆତ୍ମାର ସଦଗତି ପାଇଁ ସୋସାଲ ମିଡିଆରେ ବିଭିନ୍ନ ବ୍ୟକ୍ତି ବିଶେଷ ଶ୍ରଦ୍ଧାଞ୍ଜଳି ଜ୍ଞାପନ କରୁଛନ୍ତି।
ବରିଷ୍ଠ ରାଜନେତା ତଥା ପଶ୍ଚିମ ଓଡ଼ିଶା ବିକାଶ ପରିଷଦର ଅଧ୍ୟକ୍ଷ ସୁବାସ ଚୌହାନଙ୍କ ଦେହାନ୍ତ ବିଷୟରେ ଜାଣି ମୁଁ ଦୁଃଖିତ। ଓଡ଼ିଶାବାସୀଙ୍କ ପାଇଁ ତାଙ୍କ ଜନକଲ୍ୟାଣକାରୀ କାର୍ଯ୍ୟ ସର୍ବଦା ସ୍ମରଣୀୟ ରହିବ। ତାଙ୍କ ଅମର ଆତ୍ମାର ସଦଗତି କାମନା କରିବା ସହ ଏପରି ଦୁଃଖଦ ସମୟରେ ଶୋକସନ୍ତପ୍ତ ପରିବାରବର୍ଗଙ୍କ ପ୍ରତି ମୋର ସମବେଦନା ଜଣାଉଛି।
— Naveen Patnaik (@Naveen_Odisha) May 10, 2020
ଶ୍ରୀଯୁକ୍ତ ସୁବାଷ ଚୌହ୍ୱାନଙ୍କ ଅକାଳ ବିୟୋଗ ଖବର ଶୁଣି ମୁଁ ଦୁଃଖିତ ଓ ମର୍ମାହତ । ସୁବାଷ ଭାଇଙ୍କ ସହ ଦୀର୍ଘ ବର୍ଷ ଧରି କାମ କରିବାର ଅନେକ ସ୍ମୃତି ମୋ ପାଖରେ ଅଛି । ତାଙ୍କର ଅକାଳ ବିୟୋଗ ଓଡ଼ିଶାର ରାଜନୈତିକ ଓ ସାମାଜିକ ଜୀବନ ପାଇଁ ଏକ ବଡ କ୍ଷତି । ତାଙ୍କ ଅମର ଆତ୍ମାର ସଦଗତି କାମନା କରୁଛି ।
— Dharmendra Pradhan (@dpradhanbjp) May 10, 2020
ଓଁ ଶାନ୍ତି
ରାଷ୍ଟ୍ରୀୟ ସ୍ବୟଂସେବକ ସଂଘର ପୂର୍ବତନ ପ୍ରଚାରକ ତଥା ବର୍ତ୍ତମାନର ପଶ୍ଚିମ ଓଡିଶା ବିକାଶ ପରିଷଦ ଅଧ୍ୟକ୍ଷ ଶ୍ରୀ ସୁବାଷ ଚୌହାନଙ୍କ ଗତ ରାତ୍ରୀ ୦୩.୦୫ରେ ଦେହାନ୍ତ ହୋଇଯାଇଛି। ତାଙ୍କ ଆତ୍ମାର ସତ୍ ଗତି କାମନା କରିବା ସହ, ମୁଁ ମୋର ହ୍ରୁଦୟର ଗଭୀରତମ ପ୍ରଦେଶରୁ ଅଶ୍ରୁଳ ଶ୍ରଦ୍ଧାଞ୍ଜଳୀ ଜଣାଉଛି । pic.twitter.com/rdy7xGSSvi— Suresh Pujari (@sureshkpujari) May 10, 2020
ଲିଭର୍ କ୍ୟାନସର ଯୋଗୁଁ କିଛି ଦିନ ତଳେ ତାଙ୍କୁ ଭୁବନେଶ୍ୱରର ଏକ ଘରୋଇ ହସ୍ପିଟାଲରେ ଭର୍ତ୍ତି ହୋଇ ଚିକିତ୍ସାଧୀନ ଥିଲେ। ତେବେ ଆଜି ରାତି ୩ଟା ୫ ସମୟରେ ତାଙ୍କର ଦେହାନ୍ତ ହୋଇଥିବା ଜଣାପଡିଛି। ତାଙ୍କ ଦେହାନ୍ତ ଖବର ପାଇ ବିଭିନ୍ନ ବ୍ୟକ୍ତି ବିଶେଷ ସାମାଜିକ ଗଣମାଧ୍ୟମରେ ଗଭୀର ଶ୍ରଦ୍ଧାଞ୍ଜଳି ଜଣାଇଥିବା ଦେଖିବାକୁ ମିଳିଛି।
Saddened to hear about the untimely demise of WODC Chairman and senior party leader, Shri #SubashChouhan.
He leaves behind a void which is difficult to fill.
My thoughts and prayers are with his family in this time of grief.
May his soul rest in peace. pic.twitter.com/FSTwwCOwOZ
— Ranendra Pratap Swain (@rajaaswain) May 10, 2020
In the death of Sri Subash Chouhan we lost a great organiser, a devoted social worker, a nationalist leader and a patriot. He lived a life fully dedicated for the service of Bharat Mata. My sincere homage to the great soul.
— Prasanna Acharya (@prasana_acharya) May 10, 2020
ପଶ୍ଚିମ ଓଡ଼ିଶାର ଟାଣୁଆ ନେତା ଭାବେ ଜଣାଶୁଣା ସୁବାସ ଗତ ସାଧାରଣ ନିର୍ବାଚନ ଆଗରୁ ବିଜେପି ଛାଡ଼ି ବିଜେଡ଼ିରେ ସାମିଲ ହୋଇଥିଲେ। ସେ ନିର୍ବାଚନରେ ଲଢି ନଥିଲେ। କିନ୍ତୁ ପଶ୍ଚିମ ଓଡ଼ିଶାର ବିଭିନ୍ନ ନିର୍ବାଚନୀ ମଣ୍ଡଳୀରେ ପ୍ରାର୍ଥୀଙ୍କ ପାଇଁ ପ୍ରଚାର କରିଥିଲେ। ପରବର୍ତ୍ତୀ ସମୟରେ ମୁଖ୍ୟମନ୍ତ୍ରୀ ତାଙ୍କୁ ପଶ୍ଚିମ ଓଡ଼ିଶା ବିକାଶ ପରିଷଦ ଅଧ୍ୟକ୍ଷ ପଦବୀରେ ଥଇଥାନ କରିଥିଲେ। ଆଜି ତାଙ୍କ ଅକାଳ ବିୟୋଗ ପରେ ପଶ୍ଚିମ ଓଡ଼ିଶା ଆଉ ଜଣେ ଟାଣୁଆ ନେତାଙ୍କୁ ହରାଇଲା। ତାଙ୍କର ଅମର ଆତ୍ମାର ସଦଗତି ପାଇଁ ନବନୀତା ପରିବାର ପକ୍ଷରୁ ଗଭୀର ଶ୍ରଦ୍ଧାଞ୍ଜଳି ଜ୍ଞାପନ କରୁଛୁ।