ଦିଲ୍ଲୀ: ରବର୍ଟ ଭଦ୍ରାଙ୍କୁ ଆଶ୍ୱସ୍ତି । ବିଦେଶ ଯିବା ଲାଗି ସିବିଆଇର ସ୍ୱତନ୍ତ୍ର ଅଦାଲତରୁ ରର୍ବଟ ଭଦ୍ରାଙ୍କୁ ଅନୁମତି ଦିଆଯାଇଛି । ଚିକିତ୍ସା ଲାଗି ବିଦେଶ ଯିବାକୁ ତାଙ୍କୁ ଏହି ଅନୁମତି ଦେଇଛନ୍ତି ଅଦାଲତ । ସ୍ପେଶାଲ ଜର୍ଜ ଅରବିନ୍ଦ କୁମାର ତାଙ୍କୁ ୬ ସପ୍ତାହ ଲାଗି ଆମେରିକା କିମ୍ବା ନେଦରଲାଣ୍ଡ ଯିବାକୁ ଅନୁମତି ଦେଇଛନ୍ତି । ଏଥିପାଇଁ ତାଙ୍କ କାର୍ଯ୍ୟସୂଚୀ ଦାଖଲ କରିବାକୁ କହିଛନ୍ତି ଅଦାଲତ । ହେଲେ ଅଦାଲତ ଭଦ୍ରାଙ୍କୁ ଲଣ୍ଡନ ଯିବାକୁ ଅନୁମତି ଦେଇ ନାହାନ୍ତି । ସୂଚନା ଅନୁସାରେ ଭଦ୍ରା ଏନେଇ ଦିଲ୍ଲୀ ହାଉସ ଅଭେନ୍ୟୁ ଅଦାଲତରେ ଏକ ମେଡିକାଲ ସାର୍ଟିଫିକେଟ୍ ଦାଖଲ କରିଥିଲେ । ଭଦ୍ରାଙ୍କ କହିବାନୁସାରେ, ତାଙ୍କ ଅନ୍ତଃନଳୀରେ ଏକ ଟ୍ୟୁମର ହୋଇଥିବାରୁ ଚିକିତ୍ସା ପାଇଁ ତାଙ୍କୁ ଲଣ୍ଡନ ଯିବାକୁ ପଡ଼ିବ । ଏଥିପାଇଁ ଅନୁମତି ଦେବାକୁ ଲୋଡ଼ିଥିଲେ । ଏହା ପୂର୍ବରୁ ସେ ଇଡିରେ ବିଦେଶ ଯିବାକୁ ଅନୁମତି ଦେବା ଲାଗି ମଧ୍ୟ ଅପିଲ କରିଥିଲେ । ସୂଚନା ଅନୁସାରେ ବହୁ ଚର୍ଚ୍ଚିତ ମନି ଲଣ୍ଡରିଂ ମାମଲାରେ ରର୍ବଟ ଭଦ୍ରାଙ୍କୁ ଇଡି ଯାଂଚ୍ କରିଥିବା ବେଳେ ତାଙ୍କ ବିଦେଶ ଯିବା ଉପରେ ପ୍ରତିବନ୍ଧକ ଲଗାଯାଇଥିଲା ।..
ଚିକିତ୍ସା ଲାଗି ବିଦେଶ ଯିବାକୁ ରର୍ବଟ ଭଦ୍ରାଙ୍କୁୁ ଅନୁମତି ଦେଲେ ସିବିଆଇର ସ୍ୱତନ୍ତ୍ର ଅଦାଲତ
